第九篇 演技的提升

 

我們暫時離開網上學習的趣事，回到實體課堂。

話說一次寫作測驗，就有以下趣事：

先介紹人物，一位很高大又有點肥的奇獸，我用胖虎（技安）來形容。

測驗前10分鐘

我： 關電話，關電話，關電話

胖虎：等等，打埋呢鋪（正在打機中，並且語氣奇差）

我：快收電話，要開考了

胖虎：等等~~等等，就快打完

———————————————-

5分鐘後

我：已經派卷，你唔收機，我就收你的卷，不用考了。

胖虎：都話等陣(語氣是極度不耐煩)

我：唔等，全世界在等你，再唔開考，大家都不用放學。（我隨手就把卷收回）

胖虎見我拿走了他的試卷，站起來就甩門出去，呯! 很大一聲，全班奇獸都嚇一跳。

考試進行中，大約~~ 5分鐘後~~~

我走到門口看了看，發現胖虎坐在門外長椅，並沒有離開。

我推開門

我：胖虎，你入唔入黎考（面帶笑容，聲音溫柔）

胖虎：又係你唔比我考（聲音略帶哭音）

我：你打完就返黎考，仲有半個鐘，隨便你。（內心已經笑笑有腹肌）

呯！！！

胖虎回歸，坐下測驗，電話已經關上。

鬧劇一場，演技進步！

 

同步上映

其中一科測驗前教奇獸寫電郵，上課時已經用心解題，題目是關於請假，內容是要學生寫一篇請假的電郵。

奇獸A：這個要寫幾多日呀?(意思是請幾多日假)

我： 自己睇題目啦!

奇獸A： 即係1日?

我： 9月10日及9月11日，點會係1日?

奇獸A： 我用11減10

我：幾分鐘前我已經講過，你仲要問，你個腦有咩問題?個腦去咗邊?

奇獸B(旁邊同學)： 搭的士返咗屋企!! 哈哈!!

我： ...........(是搭的士返屋企，定係滯留在阿媽的肚中)

 

～～完～～